پەرەگراف
كۆبوونەوەیەكی باڵا لەسەر كێشەكانی نێوان هەردوو لا، لەنێوان حكومەتەكانی هەرێم و بەغداد بەڕێوە چوو. بەدیهاتنی "بەرەوپێشچوونی گرنگ لە دۆسیەكاندا" ڕاگەیەندرا و دەڵێن "گفتوگۆكان بەردەوام دەبن".
ئەمڕۆ 19-08-2025، شاندی باڵای حكومەتی هەرێم و حكومەتی عێراق لە وەزارەتی پلاندانانی عێراق كۆبوونەوە. لە ڕاگەیەندراوی دوای كۆبوونەوەكەدا، وەزارەتی پلاندانان ڕایگەیاند "هەموو مەرجەكانی دەستپێكردنەوەی هەناردەی نەوت لەڕێی (كۆمپانیای سۆمۆ)وە جێبەجێ كراون".
بەپێی ڕاگەیەندراوەكە، "پێداچوونەوە بەو بەرەوپێشچوونانەدا كراوە كە لە دۆسیە هەڵپەسێردراوەكانی نێوان هەردوو حكومەتدا بەدی هاتوون، لەوانە: پرسی بەرهەمهێنان و هەناردەی نەوت، داهاتە نانەوتییەكان، تەوتینی مووچەی فەرمانبەرانی هەرێم پشتبەست بە بڕیاری دادگای فیدراڵی".