پەرەگراف
مەحموود مەشهەدانی، سەرۆكی پەرلەمانی عێراق، بۆ گفتوگۆ لەبارەی چارەسەری كێشەكانی نێوان هەرێم و بەغدا و دۆسیەی هەڵبژاردن، گەیشتە هەولێر و لەگەڵ بەرپرسانی باڵای هەرێم كۆدەبێتەوە.
شاخەوان عەبدوڵڵا، جێگری سەرۆكی پەرلەمانی عێراق و ڕێبەر ئەحمەد، وەزیری ناوخۆی هەرێم لە فڕۆكەخانەی هەولێر پێشوازییان لە سەرۆكی پەرلەمانی عێراق كرد. زیاد جەنابی، سەرۆكی لیژنەی دەستپاكیی پەرلەمانی عێراقیش لەناو شاندەكەی عێراقدایە.
پەرلەمانی عێراق ڕایگەیاند "سەردانەكە لە چوارچێوەی هەوڵەكاندایە بۆ گفتوگۆ لەگەڵ سەركردەكانی هەولێر لەسەر دۆسیە هاوبەشەكان، كاراكردنەوەی كاری هاوبەشی لەنێوان هەرێم و ناوەند و چارەسەركردنی كێشەكان".
هەروەها دەڵێت "گفتوگۆكردن لەسەر هەڵبژاردنی داهاتووی پەرلەمانی عێراق" تەوەرێكی دیكەی گفتوگۆكانی مەشهەدانی و بەرپرسانی هەرێم دەبێت.
نوێ دەكرێتەوە...