پەرەگراف
ئەنجوومەنی وەزیرانی هەرێمی كوردستان ڕەزامەندیی دا لەسەر پێشنیازێك بۆ وەرگرتنی گەنمی ماوەی جووتیارانی ناوخۆی هەرێمی كوردستان كە لەلایەن حكومەتی عێراقەوە لێیان وەرنەگیراوە. پرۆسەكە لە ناوەڕاستی ئەم مانگە دەست پێ دەكات.
كۆنووسی پێشنیازەكە لەلایەن لیژنەی باڵای تایبەت بە ساغكردنەوە و بەبازاڕكردنی بەرهەمی گەنمی جووتیارانی هەرێمی كوردستانەوە پێشكەش بە ئەنجوومەنی وەزیران كرابوو. بڕیارە بە هەماهەنگیی لایەنە پەیوەندیدارەكان، گەنم لە جووتیاران بەپێی ئەو بڕەگەنمەی كە ماوە لە كوردستان، وەر بگیرێت.
مەرجی وەرگرتنی گەنمەكە ئەوەیە كە "بەپێی تایبەتمەندییەكانی عێراقی بێت". هەر تەنێكی گەنمی پلە یەك بە 550 هەزار دینار و گەنمی پلە دوو هەر تەنێك بە 525 هەزار دینار لە جووتیاران وەردەگیرێت.
حكومەتی هەرێم دەڵێت "پێویستە جووتیار پشتگیریی بنكەی كشتوكاڵی و بڕی گەنمی وەرگیراو لە سایلۆكانی پێ بێت و بڕی گەنمی وەرنەگیراویش تۆمار كرابێت".
پڕۆسەی وەرگرتنی گەنمەكە لە ماوەی یەك مانگ دەبێت، لە ڕێكەوتی 15-07-2025 دەست پێ دەكات. لە ماوەی (دوو مانگ) لە دوای وەرگرتنی گەنمەكە شایستە داراییەكان بە جووتیاران.