پەرەگراف
لیژنەی باڵای تاقیكردنەوەكان لە وەزارەتی پەروەردەی هەرێمی كوردستان ڕایگەیاند "لە هەفتەی ئایندەوە تاقیكردنەوەكان دەست پێ دەكەنەوە".
بەپێی ڕاگەیندراوی لیژنەكە، دەستپێكردنەوەی تاقیكردنەوەكان بەم شێوەیە دەبن:
١- تاقیكردنەوەی وەزاری ( خولی یەكەم ) پۆلی ١٢ی ئامادەیی بەهەموو بەشەكانیەوە بە گوێرەی خشتەی هاوپێچكراو دەبێت.
٢- تاقیكردنەوەی نیشتیمانی پۆلی نۆیەمی بنەڕەتی ( خولی دووەم) بە گوێرەی خشتەی هاوپێچكراو دەبێت.
٣- تاقیكردنەوەكانی پۆلە ناكۆتاكان لە پۆلی ٤ ی بنەڕەتی تا ١١ ی ئامادەیی حكومی و ناحكومی - سیستمی وەزارەتی پەروەردە- ( خولی دووەم) ، لە ٢١ ی ٦ ی ٢٠٢٥ تا ٦ ی ٧ ی ٢٠٢٥ دەبێت.
٤- قوتابخانە حكومی و ناحكومیە (خۆماڵیەكان و نێودەوڵەتیەكان ) بەگوێرەی ئەو خشتەیەی قوتابخانە دایدەنێت لە هەفتەی ئاییندەوە تاقیكردنەوەكان دەستپێدەكەنەوە.