مەسروور بارزانی: قۆناغێكی نوێی پەیوەندییەكانی نێوان كوردستان و ئەمریكا دەست پێ دەكات
پەرەگراف
مەسروور بارزانی ئەو گرێبەستانەی بە بەهای زیاتر لە 100 ملیار دۆلار لەگەڵ كۆمپانیا ئەمریكییەكان ئەنجامی داوە، بە "دەستكەوتی گەورە و گرنگ" و "سەرەتای سەردەمێكی نوێ لە گەشەپێدانی ناوچەكە" ناو دەبات. دەشڵێت "قۆناغێكی نوێی پەیوەندییەكانی نێوان كوردستان و ئەمریكا دەست پێ دەكات".
مەسروور بارزانی لە هەژماری خۆی لە تۆڕی كۆمەڵایەتیی ئێكس دەشڵێت "واژووكردنی ئەم دوو ڕێككەوتننامە گرنگە لەگەڵ HKN Energy و WesternZagros Resources كە بەهایان دەیان ملیار دۆلارە، كارەبا بۆ ملیۆنان كەس دابین دەكات و هەلی كار دەڕەخسێنێت و ئابووریی كوردستان بەهێزتر دەكات".
شەوی ڕابردوو، بە سەرپەرشتیی مەسروور بارزانی، لە ژووری بازرگانیی ئەمریكا لە واشنتن، دوو گرێبەستی نەوت و غاز لەنێوان وەزیری سامانە سروشتییەكان و دوو كۆمپانیای ئەمریكی ئەنجام دران، كە بە قسەی وەزیری سامانە سورشتییەكان بەهایان نزیكەی 110 ملیار دۆلارە.
كەمال محەمەد، وەزیری سامانە سروشتییەكان بە وەكالەت، بەر لە واژووكردنی گێبەستەكان وتی "ڕاوێژمان بە وەزارەتی نەوتی عێراق نەكردووە (بۆ ئەنجامدانی گرێبەستەكان) و چاوەڕێ بەغدا ناكەین كە ڕازی دەبێت یان نا".
نوێ دەكرێتەوە...