نێچیرڤان بارزانی و مەزڵوم عەبدی بەشداریی کورد لە دەسەڵات و بەڕێوەبردنی سوریا تاوتوێ دەکەن
پەرەگراف
نێچيرڤان بارزانى، سهرۆكى ههرێمى كوردستان، پێشوازيى له مهزڵوم عهبدى، فهرماندهى هێزهكانى سوورياى ديموكرات كرد بۆ گفتوگۆ کردن لەسەر چەند پرسێکی پەیوەست بە کورد لە سوریا، هەردوولا جەخت لە بەشداريى كورد و تهواوى پێكهاتهكانى سووريا له دهسهڵات و بهڕێوهبردنى وڵاتهكهدا دەکەن بە ئامانجی مسۆگهركردنى مافهكانیان.
سەرۆکایەتی هەرێم بڵاویکردەوە، له كۆبوونهوهکەدا دوايين پێشهاتهكانى دۆخى سووريا و پهيوهندييهكانى هێزهكانى سوورياى ديموكرات و لايهنه سياسييه كوردييهكان له سووريا لهگهڵ حكوومهتى سووريا تاوتوێ كران و دهربارهى مهترسييهكانى تيرۆر و بهرهنگاربوونهوهى ههڕهشهكانى داعش، بيروڕايان گۆڕييهوه.
"ههردوولا جهختيان له گرنگيى هاوبهشى و بهشداريى كورد و تهواوى پێكهاتهكانى سووريا له دهسهڵات و بهڕێوهبردنى وڵاتهكهدا و مسۆگهركردنى مافهكانى ههمووان كردهوه، ههروهها هاوڕا بوون لهسهر كارى هاوبهش و پێكهوهيى لهنێو پێكهاتهكانى سووريادا بۆ پاراستنى ئارامى و سهقامگيرى و بهرهنگاربوونهوهى مهترسى و ئاڵنگارييهكان" سەرۆکایەتی هەرێم وادەڵێت.
دەشڵێت: پێويستيى يهكڕيزى و تهبايى لهنێو هێز و لايهنه كوردييهكانى سووريادا وهك گارانتييهك بۆ بهديهێنانى داوا و مافه ڕهواكانى كورد لهو وڵاته، دۆخى كامپى هۆڵ و ڕۆڵى هاوپهيمانيى نێودهوڵهتى له سووريا بۆ ڕووبهڕووبوونهوهى داعش، تهوهرێكى ديكهى كۆبوونهوهكه بوو.