پەرەگراف
بەپێی ئاماری بەڕێوەبەرایەتیی تەندروستیی سلێمانی، لە ماوەی تەنیا شە كاتژمێری یەكەم ڕۆژی جەژندا، 21 حاڵەتی برینداری ڕووداوی هاتووچۆ گەیەندراونەتە نەخۆشخانەی فریاكەوتنی شار، دوو هاووڵاتیش بە هەمان هۆكار گیانیان لەدەست داوە.
بەڕێوەبەرایەتییەكە لە ڕاگەیەندراوێكدا دەڵێت، قوربانییەكان لە كاتژمێر (8:00)ـی بەیانی تا كاتژمێر (2:00)ـی پاشنیوەڕۆ گەیەندراونەتە نەخۆشخانە. (13)حاڵەتیان ڕووداوی ئۆتۆمبێل و (8) حاڵەتیان ڕووداوی ماتۆڕ سكیل بووە.
یەكێك لە ڕووداوە هاتووچۆكان سەرلەبەیانیی ئەمڕۆ لە لەسەر شەقامی سالم لە ناوشاری سلێمانی لە نزیك كتێبخانەی گشتی ڕووی دا، كە بەهۆیەوە ئۆتۆمبێلێكی تاكسی كەوتە سەر سەقف و شۆفێرەكەی بریندار بوو.
هەر بەیانیی ئەمڕۆ ڕووداوێكی دیكەی هاتووچۆ لەسەر دووسایدی تووەسپی لە شاری سلێمانی ڕووی دا، كە تێیدا ئۆتۆمبێلێكی جۆری مەلیكە بەهۆی تیژڕەوی و لەدەستدانی كۆنترۆڵەوە كەوتە ناو جۆگەیەكەوە.
