پەرەگراف
پەیامی مەسعود بارزانی لە ئاهەنگی نەورۆزی ئامەد خوێندرایەوە. بارزانی پاڵپشتی بۆ پرۆسەی ئاشتی و چارەسەری كێشەی كورد لە توركیا دووپات دەكاتەوە و دەڵێت "هیوادارین لە نزیكترین كاتدا بەڕێز عەبدوڵڵا ئۆجەلان ئازاد بكرێت".
سەرۆكی پارتی دیموكراتی كوردستان جەخت دەكاتەوە كە "ئاشتی تاكە ڕێگای ڕاست و دروستی تێپەڕاندنی كێشەكانی". دەشڵێت "جەخت لە فەرهەنگی پێكەوەژیان و پەیامی ئاشتیخوازانە دەكەینەوە".
سەبارەت بە دۆخی ڕۆژئاوای كوردستانیش مەسعود بارزانی دەڵێت "هیوادارین كۆتایی بە ئێش و ئازارەكانی گەلی كورد لە سووریا بێت. كورد بە هەڵوێستێكی هاوبەش و بە ڕێكاری ئاشتییانە، لەگەڵ لایەنەكانی دیكەی سووریا بگاتە ئەنجامێك كە لە خزمەتی هەموو لایەكدا بێت".