پەرەگراف
وەزارەتی كارەبای هەرێمی كوردستان "سەرلەبەری ئەو دەنگۆیانە ڕەت دەكاتەوە" كە باس لە وەرگرتنی باج لە هاووڵاتیان لە بەرانبەر دانانی سیستەمی سۆلار (بەرهەمهێنانی كارەبا بە وزەی خۆر) دەكەن.
بەڕێوەبەرایەتیی وزە نوێبووەكانی وەزارەتی كارەبا لە ڕوونكردنەوەیەكدا بە پێچەوانەوە ڕایدەگەیەنێت "پێداگیری دەكەینەوە لەسەر هەوڵ و پلانەكان بۆ یارمەتیدان و ئاسانكاریی بۆ ئەوەی هاووڵاتییان بتوانن سیستەمی سۆلار پاوەر دابنێن".
بەڕێوەبەرایەتیی وزە نوێبووەكان ئاماژەی بەوە كردووە، بەپێی یاسای نوێی وەزارەتی كارەبا، هەر بەشداربوویەك كە سیستەمی سۆلار پاوەری هەبێت، دەتوانێت بەشە زیادەكەی لەو كاتانەی پێویستی پێی نەبێت، بداتەوە ناو تۆڕی كارەبای هەرێم و تێچووی كارەبای بە شێوەی لەبری (مقاصە) لەسەر كەم دەبێتەوە.