پەرەگراف
سەرباری ڕاگەیاندنی ئاگربەستی تاکلایەنە لەلایەن پەکەکەوە سوپای تورکیا بەردەوامە لە هێرشەکانی لە هەرێمی کوردستان.
ڕێکخراوی سیپیتی دەڵێت: "سوپای تورکیا بە هەلیکۆپتەر هێرشی کردە سەر چیای لینکی لە ناحیەی دێرەلووک لە قەزای ئامێدی و گەریلاکانی پەکەکەش بە تەقەکردن وەڵامی هێرشەکانیان دایەوە".
دوێنێ پەکەکە پابەندبوونی خۆی بە پەیامەکەی عەبدوڵا ئۆجەلان ڕاگەیاند کە داوای چەکدانان و هەڵوەشاندنەوەی پەکەکەی کرد، پەکەکە وەک هەنگاوی یەکەم ئاگربەستی ڕاگەیاندو داوا دەکات زەمینەی جێبەجێکردنی پەیامەکە بڕەخسێت و ئۆجەلان ئازاد بکرێت تا سەرپەرشتی چەکدانان و کۆنگرەی خۆهەڵوەشاندنەوە بکات.