پەرەگراف
وەزیری دارایی هەرێم گەیشتن بە ڕێككەوتنی لەگەڵ بەغداد لەسەر كێشەی مووچە ڕاگەیاند و دەڵێت "كێشەی مووچەخۆران بۆ ساڵی 2025 تەواو بوو. لە سبەی و دووسبەی بەرنامەی دابەشكردنی مووچەی مانگی یەك دەست پێ دەكات".
ئاوات شێخ جەناب لە كۆنگرەیەكی ڕۆژنامەوانیدا لە بەغداد وتیشی "دوای دانوستانێكی دوور و درێژ، ماوەی 10 ڕۆژ لە هەولێر و پێنج ڕۆژ لە بەغداد، ئەنجامەكەی بەخێر شكایەوە و توانیمان ڕێككەوتن لەگەڵ وەزارەتی دارایی فیدراڵ بكەین كە بۆ ساڵی 2025 بەبێ گرفت مووچەی مووچەخۆرانی هەرێم خەرج بكرێت".