پەرەگراف
وەزارەتی دارایی هەرێمی كوردستان وەڵامی وەزارەتی دارایی عێراقی دایەوە و تۆمەتباری دەكات بەوەی كە "پابەند نەبووە بە بڕیاری دادگای باڵای فیدراڵی بۆ خەرجكردنی مووچەی فەرمانبەرانی هەرێمی كوردستان".
وەزارەتی دارایی هەرێمی لە ڕاگەیەندراوێكدا كە بە زمانی عەرەبی بڵاوی كردووەتەوە، دەڵێت "وەزارەتی دارایی فیدراڵ 10 تریلیۆن و 26 ملیار و 883 ملیۆن دیناری خستووەتە سەر هەژماری وەزارەتی دارایی و ئابووری، لەكاتێكدا پشكی هەرێم بۆ مووچە 11 تریلیۆن و 576 ملیار و 521 ملیۆن دینار بووە".
هەروەها بەپێی ڕاگەیەندراوە، وەزارەتی دارایی عێراق "822 ملیار و 642 ملیۆن دینار" كەمتری ناردووە، ئەمە جگە لەوەی كە "726 ملیار و 995 ملیۆن و 775 هەزار دینار" لە پشكی مووچەی هەرێم بڕدراوە بۆ لێبڕینی خانەنشینی و باجی دەرامەت.
نوێ دەكرێتەوە...