مەسرور بارزانی و یاریدەدەری وەزیری دەرەوەی ئەمەریکا بۆ کاروباری وزە هەناردەکردنەوەی نەوتی هەرێمیان تاوتوێ کرد
پەرەگراف
مەسرور بارزانی سەرۆکوەزیرانی هەرێم لە پەیوەندییەکی تەلەفۆنیدا لەگەڵ جێفری پایت یاریدەدەری وەزیری دەرەوەی ئەمەریکا بۆ کاروباری وزە، پەرەپێدانی پەیوەندیی دوولایەنە و هەناردەکردنەوەی نەوتی هەرێمی کوردستانیان تاوتوێ کرد.
مەسرور بارزانی دەڵێت "هاوڕابووین لە سەر گرنگی چارەسەرکردنی کێشەکان و نەهێشتنی ئاستەنگەکانی بەردەم هەناردەکردنەوەی نەوتی هەرێمی کوردستان لە زووترین کاتدا، چونکە وەستانی، زیانێکی زۆری لە بودجەی گشتیی عێراق داوە".
"هەروەها جەختمان لە پێویستیی دابینکردنی ماف و شایستە داراییەکانی هەرێمی کوردستان بە پێی دەستوور و ڕۆڵی گرنگی هەرێم لە برەودان بە سەربەخۆیی عێراق لە بواری وزە و گەشەپێدانی ئابووری وسەقامگیریی ناوچەکە کردەوە" سەرۆکی حکومەتی هەرێم وادەڵێت.