مەزڵووم عەبدی دەستپێشخەرییەك بۆ 'ڕەواندنەوەی نیگەرانییە ئەمنییەكانی توركیا' دەخاتە ڕوو
پەرەگراف
مەزڵوم عەبدی، فەرماندەی گشتیی هێزەكانی سووریای دیموكرات (هەسەدە)، دەستپێشخەریی "ناوچەیەكی لە چەك داماڵدراو لە كۆبانێ، بۆ ڕەواندنەوەی نیگەرانییە ئەمنییەكانی توركیا" دەخاتە ڕوو.
مەزڵووم عەبدی لە ژەژماری خۆی لە تۆڕی ئێكس دەڵێت "بۆ جەختكردنەوە لەسەر پابەندیی پتەومان بە جێبەجێكرنی ئاگربەستی تەواو لە سەرتاسەری خاكی سووریا، ئامادەییمان ڕادەگەیەنین بۆ پێشكەشكردنی پێشنیازێك بەمەبەستی دروستكردنی ناوچەیەكی لە چەك داماڵدراو لە شاری كۆبانێ".
فەرماندەی گشتیی هەسەدە ئاماژەی بەوە كردووە، لەو ناوچە داماڵدراو لە چەكەدا ئامادەن بۆ "دووبارە دابەشكردنەوەی هێزە ئەمنییەكان لەژێر چاودێری و بە ئامادەیی ئەمریكا".
مەزڵووم عەبدی رایدەگەیەنێت "ئامانجی ئەم دەستپێشخەرییە چارەسەركردنی ترس و ڕەواندنەوەی نیگەرانییە ئەمنییەكانی توركیایە، هاوكات بۆ دڵنیاییدانە لە سەقامگیریی هەمیشەیی ناوچەكە".