پەرەگراف
ڕەجەب تەیب ئەردۆغان، سەرۆككۆماری توركیا، پاڵپشتیی بۆ هێرشەكانی دەستەی تەحریری شام لە سووریا ڕاگەیاند و بە "ڕێپێوان" ناوی دەهێنێت. دەشڵێت "ئامانجی دوای شاری حیمس، دیمەشقی پایتەختە و هیوادارین بەردەوام بێت".
ئەردۆغان پاش نوێژی هەینی بۆ میدیاكان دوا و لەبارەی دۆخی سووریاوە وتی "ئیدلب، حەما، حیمس و بێگومان ئامانجەكە دیمەشقە. ئەم ڕێپێوانەی ئۆپۆزسیۆن بەردەوامە".
ئەردۆغان پاڵپشتیی بۆ هێرشەكانی دەستەی تەحریری شام ڕاگەیاند كە بە "ڕێپێوان" ناوی بدر و وتی "هیوادارین ئەم ڕێپێوانە لە سووریا بەبێ هیچ زیانێك بەردەوام بێت".
سەرۆككۆماری توركیا ئاماژەی بە دەستپێشەخەرییەكی خۆی بۆ بەشار ئەسەد كرد و وتی "بانگەوازێكمان بۆ ئەسەد هەبوو، گوتمان وەرە با بەیەكەوە ئایندەی سووریا دیاری بكەین، بە داخەوە وەڵامێكی ئەرێنییمان وەرنەگرت".