پەرەگراف
نێچیرڤان بارزانی، سەرۆكی هەرێمی كوردستان، فەرمانێكی دەركرد بۆ ئەنجامدانی یەكەم كۆبوونەوەی خولی شەشەمی پەرلەمانی كوردستان لە ڕۆژی 2-12-2024.
فەرمانەكەی سەرۆكی هەرێمی كوردستان بە ژمارە 417ـی ساڵی 2024، لە دوو خاڵ پێكهاتووە، پاڵپشت بە حوكمی بڕگەی سێیەم لە ماددەی دەیەمی یاسای سەرۆكایەتیی هەرێمی كوردستان دەركراوە.
لە خاڵی یەكەمدا دەڵێت "بڕیارمان دا بە بانگهێشتكردنی كاندیدە دەرچووەكانی خولی شەشەمی پەرلەمانی كوردستان/عێراق، بۆ گرێدانی دانیشتنی یەكەم لە ڕێكەوتی 2-12-2024 لە كاتژمێر 1ـی پاشنیوەڕۆ".
لە خاڵی دووەمدا هاتووە "ئەم فەرمانە لە ڕێكەوتی دەرچوونیەوە جێبەجێ دەكرێت و لە ڕۆژنامەی فەرمیی وەقایعی كوردستان بڵاو دەكرێتەوە".