پەرەگراف
گهورهترین پۆندی هەرێمی کوردستان لە هەولێر دروست دەکرێت و ئەمڕۆ بەردی بناغەی دانرا.
بودجەی پۆندی بنەسڵاوە نزیکەی 4 ملیار دینارەو ماوەی تەواوکردنی 360 ڕۆژە.
پۆندەکە درێژی 360 مەتر و بەرزییەکەى 17 مەترە و توانای کۆکردنەوەی 3 ملیۆن مەتر سێ جا ئاوی باران و کانیاوەکانی ھەیە
پارێزگاری هەولێر لە کۆنگرەیەکی ڕۆژنامەوانیدا ڕایگەیاند: پڕۆژەکە ڕۆڵی زۆری دەبێت بۆ ئاوی ژێرزەوی، بەرەنگاربوونەوەی وشکەساڵی و پاراستنی ناوچەکە لە لافاو.
هەروەها ناوچەکە دەکاتە ناوچەیەکی گەشتیاریی و کەرتی گەشتیاریی لە دەڤەرەکە دەبووژێنێتەوە.
هەرێمی کوردستان، خاوەنی چەندین پڕۆژەی گلدانەوەی ئاوە، پۆند و بەنداوەکان یەکێکن لەو پڕۆژانەی کە ئاوێکی زۆر گلدەدەنەوە و هۆکارێکن بۆ ڕووبەرووبوونەوەی وشکەساڵی و زیادبوونی ئاوی ژێرزەوی، نزیکەی 50 پۆند و زیاتر لە 15 بەنداوی گەورە هەن.
بەنداوەکان لە توانایاندایە زیاتر لە 10 ملیار مەتر سێجا ئاو گل بدەنەوە، بەنداوەكانی دووكان و دەربەندیخان گەورەترینیانن و پێکەوە نۆ ملیار و 600 ملیۆن مەتر سێجا ئاو گل دەدەنەوە و نزیكەی لەسەدا 95ی ئاوی بەنداوەكان پێك دەهێنن.