پەرەگراف
وەزیری خوێندنی باڵا و توێژینەوەی زانستی، نووسراوێكی فەرمیی بۆ دامەزراندنی سێ یەكەمەكانی زانكۆ و پەیمانگاكان "بەشێوەی هەمیشەیی بۆ سەر میلاكی وەزارەتی خوێندنی باڵا"، ئاراستەی وەزارەتی دارایی هەرێم كرد.
بەپێی نووسراوەكە، سێ یەكەمەكانی سەر ئاستی بەش لە كۆلێژ و پەیمانگەكان، پرۆسەی بایۆمەترییان ئەنجام داوە و ناوەكانیان ئاراستەی وەزارەتی دارایی هەرێم كراوە.
د. ئارام محەمەد، وەزیری خوێندنی باڵا و توێژینەوەی زانستی، داوا لە وەزارەتی دارایی هەرێم دەكات ناوی سێ یەكەمەكان ئاراستەی وەزارەتی دارایی حكومەتی عێراق بكات، بەمەبەستی "تەرخانكردنی شایستەی دارایی" بۆیان.