پەرەگرف
ناڕەزایەتی دژی دواكەوتنی مووچە لە فەرمانگەكانی سلێمانی سەری هەڵدا. كارمەندانی بەڕێوەبەرایەتیی هاتووچۆی سلێمانی گردبوونەوەیان ئەنجام دا و داوای مووچەی مانگی حەوت دەكەن.
گردبوونەوەی كارمەندانی هاتووچۆی سلێمانی لە كاتژمێر 8ـی بەیانی دەستی پێ كرد و بۆ ماوەی كاتژمێرێك هیچ مامەڵەیەكی هاووڵاتیانیان ڕانەپەڕاند، بەڵام دواتر چوونەوە سەر كارەكانیان و هەڕەشەی ئەوەیان كرد كە ئەگەر مووچەكانیان پێ نەدرێت، لە ڕۆژانی داهاتوودا بایكۆت دەكەن.
ئەمڕۆ 18-08-2024ـە و تا ئێستا مووچەی مانگی حەوتی مووچەحۆرانی هەرێم دابەش نەكراوە. بەهۆی بوونی كێشە لە لیستەكانی مووچەدا، وەزارەتی دارایی عێراق مووچەی نەناردووە.