پەرەگراف
كۆمیسیۆنی هەڵبژاردنەكانی عێراق بڕیاری دا بە دوورخستنەوەی چوار كاندید لە هەڵبژاردنی خولی شەشەمی پەرلەمانی كوردستان. دوورخستنەوەی كاندیدەكان پەیوەستە بە "سەرپێچی لە ڕێنماییەكانی تۆماركردن و پەسەندكردن".
هێلین ئەكرەم دنخا، كاندیدی تاكەكەسی و هەریەك لە هێمن عومەر محەمەد دەروێش، سامان مەحموود ئەحمەد ساڵح و دیاری هیدایەت بەشارەت ئەمین كاندیدانی حیزبەكان، بڕیاری دوورخستنەوەیان دراوە.
هێلین ئەکرەم کاندیدی پێکهاتەی مەسیحی و سێ کاندیدەکەی دیکە کاندیدی جووڵانەوەی نەوەی نوێن.
كۆمیسیۆن داوای لە حیزبەكان كردووە لە ماوەی سێ ڕۆژدا جێگرەوە بۆ ئەو سێ كاندیدەیان دیاری بكەن، جگە لە هێلین ئەكرەم كە كاندیدی تاكەكەسییە و جێگرەوی نابێت.
