پەرەگراف
ڕێکخراوێکی چاودێریی ئاماری پێشێلکارییەکانی بەرامبەر ڕۆژنامەنووسان بڵاوکردەوە لە شەش مانگی یەکەمی ئەمساڵدا، ٧٨ حاڵەتی پێشێلکاریی بەرامبەر ١٤٥ ڕۆژنامەنووس تۆمارکراوەو زۆرینەی لە هەولێر بووە.
رێکخراوی پەیامنێران بۆ ماف و گەشەپێدان کە ئامارەکانی بڵاوکردەوە دەڵێت، زۆرترین پێشێلکارییەکان ڕێگە نەدان بە ڕووماڵ بووە کە ٥٩ حاڵەت بووەو 2 حاڵەتی دەستگیرکردنیش هەبووە، "زۆرترین پێشێلکارییش لە هەولێر بووە کە ٤٦ حاڵەت بووە، پاشان دهۆک بە ٢١ پێشێلکاریی و دواتر لە سلێمانی ١١ حاڵەت تۆمار کراوە، لە هەڵەبجەش هیچ پێشێلکارییەک تۆمار نەکراوە".
ڕێکخراوەکە هەروەها دەڵێت: "ڕۆژانە پێشێلکاریی زەق و ئاشکرا بەرامبەر بە ڕۆژنامەنووسان دەکرێت و رێگە نەدان بە ڕووماڵ و دەستبەسەرداگرتنی کەلوپەلی رۆژنامەوانی و چاوسوورکردنەوە هەیە."