پەرەگراف
مووچەی مانگی نیسانی هێزەکانی پێشمەرگەو دام و دەزگا ئەمنییەکان لەلایەن بەغداوە بۆ هەرێم نێردراو دابەش دەکرێت.
وەزارەتی دارایی هەرێم ڕایگەیاند، کەمێک لەمەوبەر بڕی 344 ملیارو 875 ملیۆن دینار وەک شایستەی مووچەی مانگی نیسانی هێزەکانی پێشمەرگەو دام و دەزگا ئەمنیەکان خرایەسەر هەژماری بانکی وەزارەتی دارایی و ئابوری لە لقی هەولێری بانکی ناوەندی عێراق.
هەر ئەمڕۆ دەست بە دابەشکردنی مووچەی مانگی نیسانی هێزەکانی پێشمەرگە و دام و دەزگا ئەمنیەکان دەکرێت و هەریەکە لە؛ ئەنجومەنی ئاسایش، دەزگای ئاسایش، هێزەکانی زێرەڤانی، بەرگری و فریاکەوتن، پۆلیسی پاراستنی دامودەزگا نەوتییەکان و پاسەوانی وەزارەتی ناوخۆ/سلێمانی مووچەکانیان وەردەگرن.
سبەینێش مووچەی دیوانی وەزارەتی پێشمەرگەو یەکەکانی 70 و 80 دابەش دەکرێت.