پەرەگراف
باوک و کوڕێک کە ئەمڕۆ لە هەولێرەوە بۆ گەشت و سەیران ڕوویان لە باڵەکایەتی کردبوو، لە ڕووباری گەورەی چۆماندا خنکان.
ئەحمەد بارزان قائیمقامی چۆمان ڕایگەیاند، کوڕەکە کەوتووەتە ئاوی ڕووبارەکەوە لە نزیک شارۆچکە گەڵاڵە، باوکەکە ویستوویەتی رزگاری بکات، بەڵام هەردووکیان خنکان و تەرمی منداڵەکە هێشتا نەدۆزراوەتەوە.
ڕووباری چۆمان، گەورەترین ڕووباری ناوچەی باڵەکایەتییە لە سنووری پارێزگای هەولێر، سەرچاوەی ئاوی ڕووبارەکە باراناو و توانەوەی بەفری شاخەکان و کانییەکانی ناوچەکەیە.
ڕووبارەکە بەتەنیشت شارۆچکەی چۆماندا دەڕوات و دەڕژێتە زێی گەورەوە.