باران و بەفربارین لە هەرێم بەردەوام دەبێت

پەرەگراف

ئەو شەپۆلی سەرماو باران و بەفرەی ڕووی لە ناوچە جیاجیاکانی هەرێم کردووە سبەینێش بەردەوام دەبێت، ساردترین ناوچەی هەرێم حاجی ئۆمەرانە کە بەرزترین پلەی گەرمای 8 پلەیەو گەرمترینیش گەرمیانە بە 20 پلە.

لە 24 کاتژمێری ڕابردووداشدا زۆرترین بڕی باران لە قەرەداغ باریوە کە 32.5 ملیمەترە، پاشان ڕواندز بە 31.6 ملم و پێنجوێن بە 31 ملم.

🔻‌ پێشبینیی کەشناسى بۆ 48 کاتژمێرى داهاتوو:

🔻‌ ئەمڕۆ چوارشەممە:

🔸 ئاسمان نیمچەهەور و هەوری تەواو دەبێت، لەگەڵ زیاتربوونی خێرایی با لە هەندێ کاتدا.

🔸 باران بەشێوەی نمەبارانی پچڕ پچڕ لە هەندێ کات و ناوچەی جیا جیادا دەبارێت.

🔸لە لووتکەی شاخە سنوورییەکان بەفربارینی کەم دەبێت.

🔸 بە شێوەیەکی گشتی لە دوای نیوەڕۆ ئاسمان بەگشتی دەگۆڕێت بۆ نیمچەهەور.

🔻‌ سبەی پێنجشەممە:

لە کاتەکانی بەیانی زوودا بەگشتی ئاسمان نیمچەهەور دەبێت، پاشان لەدوای نیوەڕۆ دەگۆڕێت بۆ هەوری تەواو.

🔻‌ کەشی سنووری پارێزگاکان بەم شێوەیە دەبێت:

🔸 پارێزگای سلێمانی: لە کاتەکانی بەیانی زوودا نمەباران دەبێت، لە ناوچە جیا جیاکاندا بارانی مامناوەند دەبێت. لە دوای نیوەڕۆ لەسەر بەشێک لە ئیدارەی ڕاپەڕین ئاستی دابارین مامناوەند دەبێت.

🔸 پارێزگاکانی هەولێر و دهۆک: لە کاتەکانی بەیانی ئاسمان نیمچەهەورە، پاشان بۆ هەوری تەواو دەگۆڕێت. باران بارین لەسەر ناوچە جیاجیاکانی سنووری پارێزگاکانی هەولێر و دهۆک لەدوای کاتەکانی نیوەڕۆ دەبێت.

🔸 پارێزگای کەرکووک: لە کاتەکانی ئێوارەدا بارانبارین دەبێت.

🔸بە گشتی لەسەر لووتکەی شاخە بەرز و سنوورییەکان بەفربارینی کەم دەبێت.

🔻‌ بەرزترین پلەکانی گەرمای پێشبینیکراو بۆ سبەینێ:

هەولێر: 15 پلەى سیلیزى

سلێمانی: 14 پلەى سیلیزى

دهۆک: 15 پلەى سیلیزى

کەرکووک: 19 پلەى سیلیزى

هەڵەبجە: 16  پلەى سیلیزى

زاخۆ: 16 پلەى سیلیزى

گەرمیان: 20 پلەى سیلیزى

حاج ئۆمەران: 8 پلەى سیلیزى

سۆران: 11  پلەى سیلیزى