پەرەگراف
فیدراسیۆنی ڕێكخراوەكانی كۆمەڵگەی مەدەنی هۆشداری لەبارەی مەترسیی فەوتانی ساڵێكی خوێندن لە ناوچەكانی بایكۆت دەدات و داوا دەكات "بەلای كەمەوە بەشێكی داواكاریی مامۆستایان و فەرمانبەرانی ناڕازی وەكوو چارەسەرێكی خێرا" جێبەجێ بكرێن. داوایش لە كەسانی "خاوەنبڕیار و خاوەننفووز" دەكات دەستپێشخەرییەك لەوباریەوە بكەن.
فیدراسیۆنەكە لە ڕاگەیەندراوێكدا دەڵێت "وەرزێكی خوێندن كۆتایی هاتووە و ئەگەر هەوڵێكی جیددی نەبێت بۆ جێبەجێكردنی مافە یاساییەكانی مامۆستایان و فەرمانبەران، بە جۆرێك كە فریای كۆرسی دووەم بكەوێت، ڕەنگە بەیەكجاری ساڵێكی خوێندن لەو ناوچانەی كە بایكۆت كراوە، بفەوتێت".
لە ڕاگەیەندراوەكەدا هاتووە "وەرزێكی خوێندن كۆتایی هاتووە و ئەگەر هەوڵێكی جیددی نەبێت بۆ جێبەجێكردنی مافە یاساییەكانی مامۆستایان و فەرمانبەران، بە جۆرێك كە فریای كۆرسی دووەم بكەوێت، ڕەنگە بەیەكجاری ساڵێكی خوێندن لە ناوچەكانی بایكۆت بفەوتێن".
فیدراسیۆنی ڕێكخراوەكانی كۆمەڵگەی مەدەنی ئاماژە بەوە دەكات كە پرۆسەی بەردەوامی پەروەردە و فێركردن، خەمێكی سەرتاسەری و گشتیی هەموو خەڵكی كوردستانە، بەدەرە لە هەر ئاراستەیەكی سیاسی، كەسی و حیزبی. جەختیش دەكاتەوە كە "دەبێت هەموان بە دیدێكی نیشتمانی و ئەركێكی ئەخلاقیانە لەم ئەركە بڕوانن و بیكەنە ئەولەویەتی خەم و هەنگاوەكانیان، تا بتوانن بەزووترین كات قوتابان و پرۆسەی پەروەردە لەم تونێلە تاریكە ڕزگار بكەن".
