پەرەگراف
قوباد تاڵەبانی سەردانی چەتۆ ساڵح بریکاری وەزارەتی ناوخۆو یەکێک لە سەرکردە نزیکەکانی لاهور شێخ جەنگی کرد، ئەوەش دوای زیاتر لە دوو ساڵ پچڕانی پەیوەندیی و ناکۆکی نێوانیان.
قوباد تاڵەبانی دوو وێنەی سەردانەکەی بڵاوکردەوەو لەسەری نووسیوە "ئەمڕۆ لە ڕۆژی ئاڵای کوردستان، وەک وەفایەک بۆ بنەماڵەیەکی تێکۆشەری گەلەکەمان و خاوەنی پۆلێک شەهید، لە ماڵی هەڤاڵ و هاوڕێی ئەزیزم کاک چەتۆ ساڵح بووم".
چەتۆ ساڵح بەهۆی نزیکایەتیی لە لاهور شێخ جەنگی، لە دوای ڕووداوەکانی 8ی تەمموزی 2021ی ناوخۆی یەکێتی کە بەهۆیەوە لاهور شێخ جەنگی و کەسە نزیکەکانی لەو حیزبە دوورخرانەوە، یەکێتی هەوڵیدا لە پۆستی بریکاری وەزارەتی ناوخۆ دوریبخاتەوە، بەڵام پارتی لە حکومەتی هەرێم نەچووەژێرباری ئەو داوایە.
سەردانەکەی ئەمڕۆی قوباد تاڵەبانی پێدەچێت بەهۆی ئاساییبوونەوەی پەیوەندییەکانی یەکێتی و ماڵی مام جەلال بێت لەگەڵ چەتۆ ساڵح و دوورکەوتنەوەی بێت لە بەرەی لاهور شێخ جەنگی.