پەرەگراف
ئەنجوومەنی بەڕێوەبەرایەتیی گشتیی پەروەردەی سلێمانی لە نووسراوێكدا كە واژووی 12 بەڕێوەبەری پەروەردەی سنوورەكەی لەسەرە، داوای شكاندنی بایكۆت لەلایەن مامۆستایانەوە دەكات لە ڕۆژی دووشەممە 27-11-2023 و دەڵێت "سەرباری سەختیی گوزەرانتان، ڕۆژی دووشەممە ڕوو بكەنەوە ناوەندەكانی خوێندن".
ئەنجوومەنی بەڕێوەبەرایەتیی گشتیی پەروەردەی سلێمانی دەڵێت، دوای زیاتر لە دوو مانگ داخستنی ناوەندەكانی خوێندن لە سنووری پارێزگای سلێمانی، داوای دەستپێكردنەوەی دەوام لە "پەرۆشیمان"ـەوەیە.
ئەنجوومەنەكە دەشڵێت "داوا دەكەین بۆ ئەم جارەش هەموان پێكەوە شان بدەینەوە بەر بەرپرسیارێتیمان و دەرگای ناوەندەكانی خوێندن بكەینەوە و قوتابیان و خوێندكاران لەوە زیاتر خوێندنیان نەفەوتێت".
پەروەردەی سلێمانی بەڵێنیش بە مامۆستایان دەدات كە "بەردەوام دەبین لە پشتگیریی داوا و داخوازیتان" و دەڵێت "پێویستە حكومەتی هەرێمی كوردستان بارودۆخەكە لەرچاو بگرێت و لە ماوەی نزیك و زوودا داواكارییەكانی مامۆستایان و وانەبێژان و فەرمانبەران قۆناغ بە قۆناغ جێبەجێ بكات".