پەرەگراف
مامۆستایان و فەرمانبەرانی ناڕازی لە هەردوو پارێزگای سلێمانی و هەڵەبجە و ئیدارەكانی گەرمیان و ڕاپەڕین، ئەمڕۆش خۆپیشاندانی بەرفراوانیان ئەنجام دا بۆ مووچە.
خۆپیشاندەران چەندین دروشمی جیاوازیان دژی حکومەتی ھەرێم گوتەوەو سوورن لەسەر ھەڵوێستەکانیان.
زیاتر لە دوو مانگە پرۆسەی خوێندن دەستی پێ كردووە، دەیان هەزار مامۆستا و فەرمانبەر لە سنووری پارێزگاكانی سلێمانی و هەڵەبجە و ئیدارەكانی ڕاپەڕین و گەرمیان بایكۆتیان كردووە.
نیوەی مانگی یانزە تێپەڕبووەو ھێشتا دیار نییە کەی مووچەی مانگی نۆ دابەش دەکرێت، حکومەتی ھەرێم چاوەڕێی بەغدایە ٧٠٠ ملیار دینار قەرزەکەی بۆ ڕەوانە بکات.
داواكارییەكانی مامۆستایان و فەرمانبەرانی ناڕازی کە پێشتر خستیانەڕوو:
1- دابەشكردنی مووچەكانمان بە شێوەی ڕاستەوخۆ لەلایەن وەزارەتی دارایی عێراقەوە.
2- دەستپێكردنەوەی پلەبەرزكردنەوەی مامۆستایان و فەرمانبەران.
3- دامەزراندنی مامۆستاسانی وانەبێژ.
4- دابەشكردنی مووچەی مانگەكانی 9 و 10 و ڕێككردنەوەی دابەشكردنی مووچەی مانگانە لە كاتی خۆیدا.
5- دیاریكردنی چارەنووسی مووچە پاشەكەوتكراوەكان.