پەرەگراف
سەرۆكی حكومەتی هەرێم جارێكی ديكە جەخت دەكاتەوە كە "حكومەتی هەرێم هۆكار نییە بۆ بڕین و دواكەوتنی مووچە". دەشڵێت "پاڵپشتی بۆ مامۆستایان دەردەبڕم و دەنگی خۆم دەخەمە پاڵ دەنگی ئەوان، پێویستە هەموو ماف و شایستە داراییەكانیان دابین بكرێت، بەڵام دەبێت ڕووی ڕەخنەكانمان لە لایە بێت بۆ بڕین و دواخستنی مووچەكانیان".
لە كاتی كردنەوەی قوتابخانە و باخچەیەكی نوێی منداڵان لە هەولێر، مەسروور بارزانی وتیشی "ڕەنگە هەندێك لایەن سواری شەپۆلەكە بووبن و یاری بە هەستی مامۆستا بكەن، ئەوانەی هانی مامۆستایان دەدەن كە نەچنەوە پۆلەكانی خوێندن و قوتابخانەكان، دەیانەوێت تۆڵەی ئەوانەی مووچەكانیان بڕیوە، لە قوتابییەكان بكەنەوە".