پەرەگراف
مەکتەبی سیاسیی یەکێتی لێپرسراوانی مەکتەبەکانی حیزبەکەیی دیاریکرد، ھەر ئەندامێکی مەکتەبی سیاسی لێپرسراوی مەکتەبێک دەبێت.
سەعدی ئەحمەد پیرە، وتەبێژی یەکێتی بە میدیای حیزبەکەیی وت، ئەمڕۆ کۆبوونەوەی دووەمی مەکتەبی سیاسیی بەڕێوەچوو و ئەرکەکانی بەسەر ئەندامانیدا دابەشکرد، "لە کۆبوونەوەی پێشوودا لیژنەیەکمان پێکهێنابوو بۆ ئەوەی پێداچوونەوەیەک بکات بە مەڵبەند و مەکتەبەکاندا".
لێپرسراوی مەکتەبەکانی یەکێتی دەستنیشانکران لە ئەندامانی مەکتەبی سیاسیی بەم شێوەیە:
سەعدی ئەحمەد پیرە _ وتەبێژی یەکێتی نیشتمانی کوردستان
سەرکەوت زەکی _ لێپرسراوی مەکتەبی رێکخستن
عیماد ئەحمەد _ لێپرسراوی مەکتەبی راگەیاندن و روناکبیری
قوباد جەلال تاڵەبانی _ لێپرسراوی مەکتەبی سکرتارییەتی سەرۆک مام جەلال
دەرباز کۆسرەت رەسوڵ _ لێپرسراوی مەکتەبی
پەیوەندییەکان
بڵێسە جەبار فەرمان _ لێپرسراوی مەکتەبی شەهیدان
رزگاری حاجی حەمە _ لێپرسراوی مەکتەبی هەڵبژاردن
نزار ئامێدی _ لێپرسراوی مەکتەبی یەکێتی لە بەغدا
بورهان سەعید سۆفی _ لێپرسراوی مەکتەبی رێکخراوە دیموکراتیەکان
شێخ ئەحمەد و شوان عومەر قادر _ لێپرسراوی دارایی و ئیدارەی گشتی
د. یوسف گۆران _ مەکتەبی دیراسات
تەلار لەتیف _ لێپرسراوی مەکتەبی کاروباری یاسایی
شاڵاو شێخ سەڵاح _ لێپرسراوی مەکتەبی سەرۆکی یەکێتی نیشتمانی کوردستان
وتەبێژی یەکێتی وتیشی "ئەوەی ماوەتەوە لە کۆبوونەوەکانی داهاتوودا لێکۆڵینەوە لەسەر مەڵبەندەکان بکرێت، ئەویش بە شێوەیەکی کۆبەندی دەکرێت و هەر مەڵبەندە و کەسی تایبەتی خۆی بۆ دادەنرێت. لە دوای ئەوانە دەستەیەک دروست دەکەین سەردانی لایەنە سیاسییەکان دەکەن و هۆکاری بەستنی کۆنگرە و راسپاردەکانی رووندەکەنەوە".