پەرەگراف
شەڕی نێوان حەماس و ئیسرائیل سێیەم ڕۆژی تێپەڕاند. بەپێی ئاماری فەرمی هەردوولا زیاتر لە هەزار و 300 كەس گیانیان لەدەست داوە و زیاتر لە پێنج هەزار و 500 كەسیش بریندار بوون.
بەرەبەیانی ڕۆژی شەممە لیواكانی عیزەدین قەسام، كە باڵی سەربازیی بزووتنەوەی بەرنگاریی ئیسلامی (حەماس)ـە، ئۆپەراسیۆنێكی لەژێر ناوی "گەردەلوولی ئەقسا" بۆ سەر ئیسرائیل دەست پێ كرد و ژمارەیەكی زۆر لە چەكدارەكانی چوونە ناو خاكی ئیسرائیلەوە.
لە وەڵامدا سوپای ئیسرائیل سێ ڕۆژە بۆردوومانی بەردەوامی غەززە دەكات و دەڵێت "نزیكەی هەزار پێگەی حەماس"ی كردووەتە ئامانج. بەڵام حەمەسا دەڵێت بەشێك لە هێرشەكان بۆ سەر "بازاڕ و هاووڵاتیانی مەدەنی بوون".
بەپێی نوێترین ئامار كە ئێوارەی ئەمڕۆ دووشەممە هەردوو لا بڵاویان كردووەتەوە، لە ئیسرائیل "900 كەس" كوژراون و "2600 كەس" بریندار بوون، لە فەڵەستینیش "560 كەس" كوژراون و "2900 كەس"یش بریندار بوون.
سوپای ئیسرائیل بە بەردەوامی بۆردوومانی ناوچە دیاریكراوەكانی غەززە دەكات و باڵی سەربازیی حەماسیش بە مووشەكبارانكردنی ئیسرائیل وەڵامی دەداتەوە.
حەماس دەیان كەسی ئیسرائیلیی بەدیا گرتووە كە هێشتا ژمارەیان دیار نییە، بەڵام دەڵێت "چوار دیل" لە بۆردوومانەكانی ئیسرائیل خۆیدا گیانیان لەدەست داوە.
ئیسرائیل "300 هەزار سەربازی یەدەگ" بۆ ڕیزەكانی سوپا بانگهێشت دەكاتەوە
و بە درێژایی سنووری غەززەیش هێز كۆ دەكاتەوە. ڕۆژنامەی واشنتۆن پۆست دەڵێت "ئەگەری هێرشی زەمینی بۆ سەر غەززە لەئارادایە
وەزیری بەرگریی ئیسرائیل هەڕەشەی سەپاندنی "ئابڵوقەی تەواوەتی" بەسەر غەززەدا دەكات و دەڵێت "كارەبا و خواردن و سوتەمەنی ناگاتە غەززە".
ئێوارەی ئەمڕۆ حەماس ڕایگەیاند "بە مووشەكی (متبر 3)، چەند فڕۆكەیەكی ئێف 16ی ئیسرائیلمان لە ئاسمانی دەریای غەززە پێكاوە".
بە ئامانج گرتووە