پەرەگراف
لاهوور شێخ جەنگی پەیامێكی لەبارەی پێنجەم كۆنگرەی یەكێتی بڵاو كردەوە و تێیدا ئاشكرای كرد كە لیستی بۆ هەڵبژاردنی پەرلەمانی كوردستان دەبێت و دەڵێت "لیستێكی گەلپەسەند ڕادەگەیەنین كە خۆی دەبینێتەوە لە بەرەیەكی فراوانی ڕزگاریی نیشتمانی بە بەشداریی سەرجەم دەنگە ئازا و دلێر و ناڕازییەكانی خەڵكی كوردستان لەناوە و دەرەوەی یەكێتی".
لاهوور شێخ جەنگی لە پەیامەكەیدا سەبارەت بە كۆنگرە دەڵێت "سەرانی ئێستای یەكێتی بڕیاریان داوە بە ئەنجامدانی كۆنگرەیەكی بەزۆر سەپێندراوی نایاسایی و ناپەیڕەوی، كە یەكێتی بەرەو لێكترازانێكی گەورە و هەژانێكی ناوخۆیی بەرن كە هەرگیزاو هەرگیز لە مێژووی یەكێتیدا كۆنگرەیەكی لەم جۆرە ئەنجام نەدراوە".