مەسعود حەیدەر: مووچە ئینفاقی فیعلیی تێدا نییە و ناحەقییەكی گەورە بەرانبەر مووچەخۆرانی هەرێم دەكرێت
پەرەگراف
بریكاری وەزیری دارایی عێراق ڕایدەگەیەنێت "مووچەی فەرمانبەرانی هەرێم بەپێی یاسای بودجە مانگانە 775 ملیار دینارە و پێویستە ئەوە بە هیچ شتێكەوە نەبەسترێتەوە".
مەسعود حەیدەر، بریكاری وەزیری دارایی عێراق، لە لێدوانێكدا بۆ میدیاكان وتیشی "شرۆڤەی وەزارەتی دارایی عێراق بۆ یاسای بودجە دەقیق نییە و ناحەقییەكی گەورەی بەرانبەر مووچەخۆرانی هەرێم تێدایە، چونكە مووچە ئینفاقی فیعلیی تێدا نییە".
مەسعود حەیدەر دەشڵێت "من وەكوو بریكاری وەزیری دارایی، هەوڵم داوە بابەتەكان چارەسەر بكرێن و ڕێك بخرێنەوە و بۆ ڕایگشتی و سەرۆكوەزیرانی عێراقیش ڕوون بكرێنەوە، بۆیە من ڕاستییەكان بە نووسراوی فەرمی بۆ سەرۆكوەزیران بەرز دەكەمەوە".