پەرەگراف
دژەتیرۆری كوردستان (دژەتیرۆری پارتی) ڕایدەگەیەنێت، ئەو دەنگە گەورەیەی لە نزیك پردێكی پەڕینەوەی پیادەڕۆ لە هەولێر بستراوە، "تەقینەوەی بۆمب بووە و هیچ زیانێكی گیانیی نەبووە".
دژەتیرۆری كوردستان لە هەژماری فەرمیی خۆی لە فەیسبووك دەڵێت "بەگوێرەی زانیارییەكان، ئێوارەی ئەمڕۆ هەینی 1ی ئەیلوولی 2023، لە كاتژمێر 6:29 خولەك، بۆمبێك لەسەر پردی پەڕینەوەی پیادەڕۆی نزیك مزگەوتی سپی تەقییەوە".
تەقینەوەكە لەسەر شەقامی شەستمەتریی شاری هەولێر بووە و دژەتیرۆری كوردستان دەڵێت "جگە لە زیانی ماددی، هیچ زیانێكی گیانیی لێ نەكەوتەوە".
هێشتا دەزگا ئەمنییەكانی ئاسایش و پۆلیسی هەولێر هیچ ڕاگەیەندراو و زانیارییەكیان لەسەر ڕووداوەكە بڵاو نەكردووەتەوە و دژەتیرۆریش دەڵێت "لێكۆڵینەوەكان لەوبارەوە بەردەوامیی دەبێت".