دوو لایەنە ناكۆكەكەی كۆمەڵە رێككەوتن هێزەكانیان لەیەكتر دووربخەوەو دەست بە گفتوگۆ بكەن
پەرەگراف
دوو لایەنە ناکۆکەکەی کۆمەڵە دوای شەڕی نێوانیان کە بووەھۆی کوژرانی دوو پێشمەرگە، بە نێوەندگیریی حیزبی دیموكرات و كۆمەڵە (ڕێكخراوی كوردستانی حیزبی كۆمونیستی ئێران) ڕێککەوتن لەسەرئەوەی هێزەکانیان له یهك دوور بخهنهوهو دیالۆگ بۆ چارەسەرکردنی کێشەکان دەستپێبکەن.
دەقی ڕاگەیەندراوی حیزبی دیموکرات و کۆمەڵە لەوبارەیەوە
لێژنەی هاوبەشی حیزبی دێموکرات و کۆمەڵە(رێکخراوی کوردستانی حیزبی کۆمۆنیست) بۆ پێشگرتن لە تەشەنەکردنی ناکۆکییەکانی نێوانکۆمەڵەی شۆڕشگێڕ و کۆمەڵەی زەحمەتکێشان، ئەو ئاکامانەی خوارەوەیان دەستەبەر کرد:
بۆ ئاگاداری ڕای گشتی!
بەم جۆرە بە ئاگاداری دەگەیهنین کە دوای ئەوەی بەداخەوە گرژی و ئاڵۆزی لە نێوان دوو باڵی کۆمەڵەی شۆڕشگێری زەحمەتکێشانیکوردستانی ئێران دا پێک هات، هەیئەتێکی هاوبەش کە پێکهاتبوو لە ڕێبەریی حیزبی دیموکڕاتی کوردستانی ئێران و کۆمەڵە (ڕێکخراویکوردستانیی حیزبی کۆمونیستی ئێران)، بە مەبەستی ئاساییکردنەوە و هێورکردنەوەی دۆخەکە لەگەڵ هەردوو لایەنی ناکۆک، لەکۆبوونەوەیەکی هاوبەشدا بەم ئەنجامانەی خوارەوە گهیشتن:
١- هەردوولا وهكوو یهكهم هەنگاو، تا ئاساییبوونەوەی بارودۆخەکە، خۆیان لە ڕاگەیاندن دژ بە یەکتر و بە تایبەت بەکارهێنانی زمانی زبربپارێزن.
٢- هەردوولا هێزەکانیان له یهك دوور بخهنهوه.
٣- لەگەڵ هێوربوونەوەی بارودۆخەکە، هەردوولا دیالۆگ بۆ چارەسەرکردنی کێشەکان دەستپێبکەن.
٤- دوو هەیئەتی حیزبی دیموکراتی کوردستانی ئێران و کۆمەڵە لە پێناو جێبهجێبوونی ئەو خاڵانەی سەرەوە ئامادەی هەر چەشنەهاوکارییەک دەبن.
هەیئەتی ڕێبەریی حیزبی دیموکڕاتی کوردستانی ئێران
هەیئەتی ڕێبەریی کۆمەڵە (ڕێکخراوی کوردستانی حیزبی کۆمۆنیستی ئێران)
٢ ی پوشپەری ١٤٠٢