پەرەگراف
لەگەڵ دەستپێكردنەوەی دەوام، جارێكی لە بەرانبەر نەدانی مووچەكانیان بەشێك لە مامۆستایانی قوتابخانە و زانكۆ بایكۆتی دەوامیان ڕاگەیاند.
لەو چوارچێوەیەدا ئەمڕۆ مامۆستایانی كۆلێژی زانست و كشتوكاڵ، لەگەڵ مامۆستایانی زانستە ئەندازیارییە کشتوکاڵییەکان بایكۆتی وانەوتنەوە و هۆڵەكانی خوێندنیان بۆ سەرجەم ئاستەكانی بەرایی و باڵا ڕاگەیاند و دەڵێن "ڕۆژانە لە زانكۆ ئامادەی گردبوونەوە و ناڕەزایەتییەكان دەبین".
ئەو مامۆستایانە لە دوو كۆنگرەی ڕۆژنامەوانیدا سێ داواكرییان خستە ڕوو و ڕایانگەیاند "بەردەوام دەبین لە بایكۆت تا جێبەجێكردنی ئەم داواكارییانە و مل بۆ بەڵێنی زارەكیی بەرپرسان نادەین".
داواكارییەكان بریتین لە پێدانی مووچەی مانگەكانی دوو و سێ و مانگەكانی دیكە لە كاتی خۆیدا، بە فەرمی دەركردنی نووسراوی گەڕاندنەوەی شایستە داراییەكان لە مووچە نەدراو و پاشەكەوتكراوەكان لە ڕێگەی كردنەوەی هەژماری بانكییەوە، دەستپێكردنەوەی پلەبەرزكردنەوەی گشت فەرمانبەران.
هاوکات بەشێک لە مامۆستایانی قوتابخانەکانی ناوشاری سلێمانی درێژەیان بە بایکۆتی دەوام دا و داوای پێدانی مووجە لە کاتی خۆیدا دەکەن.