پەرەگراف
هاوسەرۆكایەتیی دەستەی بەڕێوەبەری كۆما جڤاكێن كوردستان (كەجەكە)، ڕایگەیاند كە پارتی هەوڵی پچڕاندنی پەیوەندیی گەریلا لە زاپ و ئاڤاشین دەدات و بڵاوەی بە هێز لەبەردەم گریلادا كردووە. كەجەكە داوا لە پارتی دەكات "دەست لە هەنگاوە مەترسیدارەكانی هەڵ بگرێت".
كەجەكە لە ڕاگەیەندراوێكدا باسی لەوە كردووە كە "ڕۆژی 29ی تەمووز هێزەكانی پەدەكە بۆ پچڕاندنی پەیوەندیی نێوان هێزەكانی زاپ و ئاڤاشین، ئۆپەراسیۆنێكی سەربازییان لە ناوچەی چەمچۆ دەست پێ كرد. هەرچەندە هێزەكانی گەریلا هۆشدارییان داوە كە ئەمە ڕاستەوخۆ بە واتای شەڕ كردن لە دژی گەریلا دێت، بەڵام هێزە سەربازییەكانی پەدەكە چوونە ناو ناوچەی گەریلاوە. لەسەر ئەمەش دوای گفتوگۆیەكی كورت، خەڵكی ناوچەكە نێوەندگیرییان كرد و ڕێگەیان نەدا گرژییەكە گەشە بكات".
هاوسەرۆكایەتیی كۆما جڤاكێن كوردستان لەگەڵ ئەوەی ئاماژەی بەوە كردووە كە هێزەكانی پارتی لەو ناوچە كشاونەتەوە، بەڵام دەڵێت "هێزەكانی پەدەكە لەبەردەم ناوچەكانی گەریلادا بڵاوەی پێ كراوە".
كەجەكە ئەو جموجووڵانەی پارتیی بە واتای "شەڕی ئاشكرا" ناو بردووە. هاوكات دەڵێت كە "یەكینەیەكی گەریلا گەمارۆ دراوە. زانیاری هەیە كە هێرش بۆ سەر ئەو یەكینەیەی گەریلا ئەنجام دراوە و هەندێكیان شەهید و ژمارەیەكی دیكەیش بریندار بوون".
* پەكەكە: چەند هەڤاڵێكمان لەلایەن پەدەكەوە گەمارۆ دراون و شەهید كراون
هاوسەرۆكایەتیی كۆما جڤاكێن كوردستان داوا لە پارتی دەكات "خۆی لەو جۆرە هەڵوێستە بەدوور بگرێت كە بەو مانایە بێت پەدەكە شەڕ بەسەر گەریلادا دەسەپێنێت، هێزە سەربازییەكانی لە دەوری گەریلا پاشەكشێ پێ بكات".
دەقی ڕاگەیەندراوی هاوسەرۆكایەتیی دەستەی بەڕێوەبەری كۆما جڤاكێن كوردستان (كەجەكە):
١٠٠ ڕۆژە دەوڵەتی تورك لە هەرێمەكانی پاراستنی میدیا دەستی بە هێرشی داگیركەری كردووە. هەروەها گەریلاكان لە بەرانبەر هێزێك كە بە هەموو دەرفەتەكانی هێرش دەكات و دووەم هێزی ناتۆیە، بە خواستێكی مرۆییەوە بەرخودان دەكەن. گەریلاكان چەندین مانگە سوپای تورك دەهەژێنن. ئەمە بەرخۆدانی هەموو خەڵكی كوردستان و بەرخۆدانی هەموو ڕۆژهەڵاتی ناوینە. ئەم تێكۆشانە بۆ هەبوونە و لە دژی هێرشی قڕكەر، گەورەترین بەرخۆدانی شكۆداری مێژووی گەلی كوردە.
لە وەها بارودۆخێكدا كە گەریلا لە بەرانبەر ئەم هێرشە قڕكەر و داگیركەریە بەرخۆدان دەكات، گەمارۆدانی هێزەكانی گەریلا لە لایەن پەدەكەوە، وەك چەقۆیەكە بپچوونە ناو هێزەكانی گەریلا، دەیەوێت پەیوەندی نێوان هێزەكانی گەریلا بپچڕێنێت، بەو واتایە دێت كە سوپای توركیا پشوو بدات و پشتگیری داگیركەرانە. ئەم هەنگاوانە هەرچەندە گەلی كورد و ڕای گشتی كورد بە توندی دژایەتی دەكەن ، بەڵام ئەوە دەگەیەنێت كە پەدەكە لە دژی گەریلا دەست بە شەڕ دەكات. ئەگەر پەدەكە پشتگیری نەكردیە و نەبوایە خاوەن هەڵوێستێكی بەم شێوەیە گەریلا كاریگەرتر شەڕی دەكرد. دەوڵەتی تورك وەك ئۆپەراسیۆنەكانی پێشوو دەشكا و پاشەكشێی دەكرد.
پێویستە پارتی دەست لە هەنگاوە مەترسیەكانی هەڵبگرێت
ڕۆژی 29ی تەموز، هێزە سەربازییەكانی پەدەكە، بۆ شكاندنی پەیوەندی نێوان هێزەكانی زاپ و ئاڤاشین بپچڕێنن، ئۆپەراسیۆنێكی سەربازییان لە ناوچەی چەمچۆ دەستپێكرد. هەرچەندە هێزەكانی گەریلا هۆشدارییان داوە، كە ئەمە ڕاستەوخۆ بە واتای شەڕ كردن لە دژی گەریلا دێت، بەڵام هێزە سەربازییەكانی پەدەكە چوونە ناو ناوچەی گەریلاوە. لەسەر ئەمەش دوای گفتوگۆیەكی كورت ، خەڵكی ناوچەكە تنێوەندگیریان كرد و ڕێگەیان نەدا گرژیەكە گەشە بكات . هێزەكانی پەدەكە كشانەوە، بەڵام هێز لەبەردەم ناوچەكانی گەریلادا بڵاوەپێكراوە. هەڵوێستی گەل لە بەرامبەر ئەو هێزە سەربازیانەی پەدەكە كە دێنە ناوچەكانی گەریلا و رووی چەكەكانیان رووبەرووی گەریلا دەكەن، هەم شانازیە و هەم بە واتای بانگەوازی بۆ پەدەكە دێت كە واز لەو سیاسەتانە بهێنێت.
سەرەڕای ئەو جموجوڵە لەسەر ناوچەكانی گەریلا كە بە واتای شەڕی ئاشكرا دێت، یەكینەیەكی گەریلا گەمارۆ دراوە. زانیاری هەیە كە هێرش بۆ سەر ئەو یەكینەیەی گەریلا ئەنجامدراوە، هەندێكیان شەهید بوون و ژمارەیەكی دیكەش بریندار بوون. ئەم هێرشانەی پەدەكە بۆ سەر گەریلاكان، پشتیوانی بۆ دەوڵەتی تورك بە واتای شەڕێكی ئاشكرا دێت. ئەم جۆرە هەنگاوانە كاریگەری زۆر خراپ لەسەر داهاتووی كورد دروست دەكات و دەبێتە هۆی داگیركاری و هێرشی بكوژانەی دەوڵەتی تورك كە دوژمنایەتی كورد و كورد بە دوای خۆیدا دەهێنێت. هیوامان ئەوەیە كە پەدەكە ئەم هەنگاوە مەترسیانە ببینێت و ئەم هەنگاوە بوەستێنێت.
لە وەها بارودۆخێكدا كە دەوڵەتی تورك هێرش دەكات ، نزیكایەتی گەمارۆدانی گەریلا بۆ بڕینی گەروی گەریلا و بەستی دەست و پێی گەریلا ، پەدەكە دەیەوێت بەو قسەیەی" ئێمە حكومەتین ، دەتوانین لە هەموو شوێنێك بین " هێرشەكان بە رەوا پیشان دەدات. ئەم نزیكبوونەوەیە بەو واتایە دێت كە من دەچمە ناو ناوچەی گەریلا و لەگەڵ سوپای تورك ئەو ناوچانە لە دەست گەریلاكان ڕزگار دەكەم. واتە لەگەڵ سوپای توركیا دەچێتە ناو شەڕەوە ئەمە بە هیچ شێوەیەك ناتوانرێت تێبگەیەنرێت . ماوەی ٤٠ ساڵە سوپای تورك هەوڵی داوە بچێتە ئەو ناوچانەوە، بەڵام لە بەرامبەر بەرخۆدان لە بەرامبەر گەریلاكاندا سەركەوتوو نەبوو. گەلی كورد دەزانێت كە چۆن ساڵی ٢٠٠٧ دەوڵەتی تورك چ شكستێكی هێنا. لە وەها بارودۆخێكدا كە دەوڵەتی تورك هێرشێكی نوێی دەستپێكرد، هیچ هۆكارێكی ڕاست نییە بۆ ئەوەی هێزە سەربازییەكانی پەدەكە بچنە ئەو شوێنانەی ٣٠ – ٤٠ ساڵ پێش ئێستا بەجێیان هێشتبوو. گەلی كورد و دەسەڵاتی سیاسی كورد ناتوانن ئەمە قبوڵ بكەن.
هەڵوێستی پەدەكە دەسكەوتەكانی كورد دەخاتە مەترسییەوە
ماوەی ٤٠ ساڵە گەریلاكان لە هەردوو بەرەی ئەم چیایانەوە شەڕی سوپای داگیركەر و قڕكەری تورك دەكەن. ئەو پەدەكە كە ئێوە ناتوانن لە هەردوو بەرەی چیا شەڕ بكەن، بەو واتایە دێت كە وەك دەوڵەتی تورك، دژی بەكارهێنانی یەكێتی جوگرافییە لەلایەن گەریلاكانەوە. پەدەكە بە وتنی "دەتوانم بۆ هەموو شوێنێك بڕۆم، گەریلا ناچار دەكات ئەو ناوچانە بەجێبێڵن كە ٤٠ ساڵە تێیدا شەڕ دەكەن و هەزاران شەهیدیان داوە" بەپێی داواكارئ دەوڵەتی تورك دەجوولێنەوە و جێبەجێكردنی ئەمە بە واتای ڕێگرتنە لەو شەڕەی كە گەریلا لە دژی دەوڵەتی تورك بەڕێوەی دەبات. ئەو گەریلایەی كە تێكۆشانی ئازادیی گەلی كورد بەڕێوەی دەبەیت، وەك سوپایەكی سیستەم شەڕ ناكات. هەموو ناوچەكانی جوگرافیای كوردستان بەكاردەهێنێت. چوونی پەدەكە بۆ ئەو ناوچانەی گەریلا كە ٤٠ ساڵە تێیدا دەژی و لە دژی دەوڵەتی تورك دەجەنگێت، لەگەڵ وڵاتپارێزی كورد یەكناگریتەوە.
ئەم نزیكایەتیە كە دەبێتە هۆی داگیركاری و كۆمەڵكوژی باشووری كوردستان، دەبێتە تەڵەیەكی مێژوویی . لە كاتێكدا كە ئەو لێدوانانەی دەوڵەتی تورك كە موسڵ و كەركوك هی ئێمەیە، هاوكاریكردنی دەوڵەتی تورك لە بەرانبەر پەكەكە ناتوانن دەستكەوتەكانی گەلی كورد بپارێزن. بەپێچەوانەوە، هەڵوێستی پەدەكە دەستكەوتەكانی گەلی كورد دەخاتە مەترسییەوە. ئامانجی دەوڵەتی تورك ئەوەیە كە كوردستان بەتەواوی داگیر بكات و كۆمەڵكوژییەكە تەواو بكات، هەروەها ئەو ستراتیژ و سیاسەتانەی كە كوردستانی گۆڕیوە بۆ ناوچەی بەرفراوانكردنی نەتەوەیی تورك، تەنها بە یەكێتی و تێكۆشانی گەلی كورد دەتوانێت بەتاڵ بكرێتەوە.
سیاسەتی داگیركاری و پاكتاوكاری دەوڵەتی تورك كە هەڕەشە لە هەموو كوردستان دەكات، تەنها بە چارەسەرییەكی دیموكراتیانەی پرسی كورد لە باكووری كوردستان كۆتایی دێت. هەموو دەستكەوتەكان لە باشوور و ڕۆژئاوای كوردستان دەتوانرێت بە چارەسەر كردنی كێشەی كورد لە باكوور بپارێزرێت . بۆ ئەوەی دەوڵەتی تورك واز لە سیاسەتی دژە كورد لە هەموو پارچەكانی كوردستان بهێنێت و بە یەكسانی و برایەتی و دۆستایەتی لە گەلی كورد نزیك بێتەوە، تەنها بە چارەسەركردنی پرسی كورد لە باكوری كوردستان دەكرێت.
بانگ لە پەدەكە بكەن كە هێزە سەربازییەكانی لە دەوری گەریلا بكێشێتەوە
پەدەكە دەڵێت، كە پەكەكە حكومەتی ئێمە ناناسێت بۆ شەرعیەتدان بە هێرشەكان، هەروەها دۆخی ئێمە دەخاتە مەترسییەوە. هەموو كەس دەزانێت، كە یەكەم كەس كە دەستی وەردایە هێرشەكانی سەر باشوور و بۆ پاراستنی دەستكەوتەكان قوربانی گەورەی دا، پەكەكە و گەریلایە. پێش هەموو شتێك ئەوەی دەزانێت كە دەوڵەتی تورك هێرش دەكاتە سەر هەموو جۆرە دەستكەوتێكی كورد و گەورەترین هەڕەشەیە لەسەر دەستكەوتەكان، گەلی باشووری كوردستان و هێزە سیاسییەكانن. ئەگەر ئەو راستییە نەڵێن و دەستكەوتەكانی گەریلا بخەنە مەترسییەوە، ئەوە بەو واتایە دێت كە ڕەوایی بە هێرشەكانی دەوڵەتی تورك دەكرێت. بەم شێوەیە دەوڵەتی تورك دوژمنایەتی خۆی بەرامبەر بە كورد بە درۆكانی دەشارێتەوە، كە دەڵێت من لە دژی كورد نیم، لەدژی پەكەكەم.
هەموو هێزێكی سیاسی كوردی كە ئازادی گەلی كورد و پاراستنی دەسكەوتەكانی دەوێت، دەبێت لەبەرانبەر دەوڵەتی تورك، كە نكۆڵی لە كورد دەكات، ئەم هەڵوێستەی هەبێت كە ئەگەر بتەوێت هەموو كێشەكانی پەیوەست بە پرسی كورد چارەسەر بكەیت، ئەوا پێویستە بە فەرمی واز لە نكۆڵیكردن بهێنیت. مافی ژیانێكی ئازاد و دیموكراتیك قبوڵ بكەیت. بەرخۆدانی ساڵەكانی 1925، 1930 و 1938 بەهۆی سیاسەتی نكولیكردن و ئینكار پەرەیسەند. بەرخۆدانی پەكەكە و گەریلاكانیش بەهۆی ئەو سیاسەتانەوەیە؛ بۆیە پێویستە ئەوە بڵێین، كە كاتێك كێشەی كورد چارەسەر ببێت، ئەو كێشانەش چارەسەر دەبن و دەوڵەتی تورك ناچار دەبێت چارەسەری بكات.
لە دژی فشارەكانی دەوڵەتی تورك، ئەو قسانەی كە دەڵێن پێویستە پەكەكە ئەوێ بەجێی بهێڵێت، پەكەكە ئەو كارە ناكات، بەو واتایە دێت كە دەبێتە هۆی پێداگریی دەوڵەتی تورك لەسەر ئەو سیاسەتانەی بەڕێوەی دەبات. لەم بارەیەوە پێویستە هێزە سیاسییەكانی كورد بانگ لە دەوڵەتی توركیا بكەن كە كێشەی كورد لەسەر بنەمای دیموكراتی چارەسەر بكات و لەو بارەیەوە هەموو پەیوەندییە نێودەوڵەتییەكانیان بەو ئاراستەیەدا بەكاربهێنن.
پەدەكە لە بری ئەوەی داوای دەوڵەتی تورك بكات بۆ نەهێشتنی ئەو كێشانەی لەبەردەم چارەسەری پرسی كورد دروست بوون، باسی ئەوەی كردووە كە "دەتوانم هەموو شوێنێك بڕۆم، گەریلا گەمارۆ بدەم، گەریلا بێ جبەخانە بەجێبێڵم و برسیان بكەم"، ئاشكرایە كە بە واتای سەپاندنی شەڕ بەسەر گەریلادا و شكاندنی ئەو بەرخۆدانەی كە ئێستا بەڕێوە دەبرێت دێت.
ئێمە بانگ لە پەدەكە دەكەین كە خۆی لەو جۆرە هەڵوێستە بەدوور بگرێت كە بەو مانایە بێت پەدەكە شەڕ بەسەر گەریلادا دەسەپێنێت، هێزە سەربازییەكانی لە دەوری گەریلا پاشەكشێ پێ بكات، هەروەها بەپێی چارەسەرییەكی دیموكراتی بۆ پرسی كورد لە باكوری كوردستان، بەپێی مەرجەكان و پێویستی هەڵوێستی نیشتمانپەروەرانە هەڵوێست نیشان بدات.
ئێمە بانگ لە گەلی كورد، ڕۆشنبیران، نووسەران، هونەرمەندان و هەموو هێزە سیاسییە كوردییەكان دەكەین، كە بەرپرسیارێتیی نیشتمانیی خۆیان بەجێبێنن، بۆ ئەوەی ڕێگری بكەن لە هەنگاوەكانی پەدەكە بە مانای شەڕ لەبەرانبەر گەریلا دێت."