دادگای ئەورووپا تانەكەی توركیای ڕەت كردەوە؛ دەمپارتی: دەستبەجێ دەمیرتاش و یەكسەكداغ ئازاد بكرێن
پەرەگراف
دادگای مافی مرۆڤی ئەورووپا تانەكەی توركیای بۆ پێداچوونەوە بە بڕیاری ئازادكردنی سەڵاحەدین دەمیرتاش ڕەت كردەوە و جەخت لەسەر ئازادكردنی دەكاتەوە. دەمپارتیش ڕایدەگەیەنێت "بڕیارەكە یەكلاكەرەوەیە و دەبێت دەستبەجێ هاوڕێیانمان بەتایبەت سەڵاحەدین دەمیرتاش و فیگەن یوكسەكداغ ئازاد بكرێن".
تا ئێستا دادگای مافی مرۆڤی ئەورووپا سێ بڕیاری بۆ ئازادكردنی سەلاحەدین دەمیرتاش دەركردووە و لە تۆمەتە جیاوازەكان كە دەسەڵاتی توركیا داویەتە پاڵی، بێبەریی كردووە. داجاریش ئەو تانەیەی توركیای ڕەت كردەوە كە لە مانگی تشرینی یەكەمی ئەمساڵ پێشكەشی دادگاكەی كردبوو.
دوای بڕیاری دادگاكە، پارتی یەكسانی و دیموكراسیی گەلان (دەمپارتی) ڕاگەیەندراوێكی بڵاو كردەوە و تێیدا دەڵێت "دادگای مافی مرۆڤی ئەورووپا لە بڕیارەكەی 08-07-2025دا سەبارەت بە دەستگیركردنی نادادپەروەرانەی دەمیرتاش لە دۆسیەی كۆبانێ، بە ڕوونی هەموو نادادپەروەرییەكانی لە پرۆسەی دادگاییكردندا خستەڕوو و ئاماژەی بەوە دا كە دەستگیركردنی دەمیرتاش بە هۆكاری سیاسی بەردەوامە و دەبێت ئازاد بكرێت".
نوێ دەكرێتەوە